Na fonte de ferro,
no coiro dos bois,
no espello do vento,
da navalla e da frol.

No recendo da herba,
no lobo e no can,
nos ollos da meiga,
na pedra do lar.
No refaixo dela,
na ponte do alén,
no andar das ovellas,
no ar do mencer.
No cabalo quente,
no viño millor,
no que non se perde,
no meu corazón.
Na noite senlleira,
no liño tecido,
na madeira tenra
dos vellos castiros.
Na vida, na morte, 

no amor e no ren,
loubareite, Lugo 

de aceiro e de mel.